Articles

NA HINSAN BANG AHIA?

NA HINSAN BANG AHIA?

www.thaikawitongluan.com

Mihing khat a piang khia tuh, a ziaknei a piangkhevek ihi chih theileng deihhuai hi. A tamzawte ki ngaisia leh maban omlou hileh kilawm a lungngai vungvung om mahmah hi. Mihing ngaihtuahna bukim veklou ahihna kawmkal ah, huchi bang a ki ngaihsiathun a ompen, a hiding him mah ahi. Himahleh, I ki piaksiatluatna, iki ngaihsiatna, vualphalou bang a ki ngaihtuahnate leh a dandang, eimah hinkhua hon thanemsakte apan thathak lakdingdan ngaihtuah in I neikei sek uhi. Huainaksang in, ‘bangziak a…’ chi in eimah iki nengniam suk zawsop hi.

Hun paisa a bawllem a hithei nawnkei. Himahleh, I maban ding tuh eimah khut a kinga ahi. A hoihlam I deihleh a hoihlam ngaihtuah a, huai a hoih lampi zui dia kisak ding ahi. A hoih deihzeenpi a, a sia I va tot chiang in, eimah kilimbawl ki suak a, I tung a hoihlou thil a hong tun leh leng a hiding mah ahi. Haksatna I chih a nuam I tot ding chiang in tamsem bangmah leh a hoih/ a nuam thil om ahi chih a langsaktu ana hi a, huai in a hoihthil muh pen a thupina dawksak semsem zaw hi. Thilhoih leh ngaihtuahna hoih I neihchiang in, i douding haksatna ahi chih chian masa leng, I thil tup tangtun na ding a I kalsuan hon nuamsak mahmah ding hi.

Hinkhua a Haksatna te, a vek in pumpelh theikei ni, himah leh, huai haksatnate apan a I galkai theihna ding in eimah leh eimah ki theihchet poimoh lua hi. Huai ding in a nuai a dotna kipia te nangmah ki dong inla, dawnna kichiantak neih sawm in.

  1. Ka hinsan bang ahia?
  2. Leitung a ka hinsan hia a ka theihpen bang ahia?
  3. Kua ka hi a? Bangchibang hinkhua zang kahi a?
  4. Ka hinkhua a thil poimohpen bang ahia?
  5. Ka hinkhua a ding a thil kiphamoh pen bang ahia?
  6. Kha 6 sungkia hun nei hita leng, ka hun neihlai sun omlai teng in bang ka semsuah dia?
  7. Hiai khovel a ka om nawnlouh nung chiang in, kei apan miten bang sinlai a neithei di ua?
  8. Ka thil hihpeuhmah ah lamzang hi ding hileng, ka lungsim putzia bangchibang ahi dia?
  9. Sum-le-pai, Hun, leh Mohpuakna kichite a poimohpen hikei leh, Khovel a ka utb=pen bang ahi dia?
  10. Ka hinkhua kipaksak a ka theihte bang ahia?
  11. Ka hinkhua ka zattouhzel nading a ka zilkhiak utlai te bangbang ahia?
  12. Ka naupan hunlai a , ka ngaihtuah hinhua ka zat utdan bangchibang ahia?
  13. Ka hinkhua paisa a haksatna apan vualzohna ka ngah bangbang ahia? Huchibang haksatna tuak omte ka panpih thei diam?
  14. Ka hinkhua hon chou mahmah haksatna phut ding hileh bang haksatna ahi dia? Huai haksatna apan vualzoh toh kiton in midangte ka panpihthei diam?
  15. Ka hinkhua a eton a Ka neih kua ahia?
  16. Bangziak a huai mi ettontak san ka hia?
  17. Ka mi ngaihsangte hinkhua paidan et in, a hinsan uh bang ahia?
  18. Ka hinkhua a a ka tup/ka ut penpen bang ahia?
  19. Nikhat hunnuam penpen zangding hileng, bangchibang in ka zang dia?
  20. Thil hoih hih utna lungtang ka nia hia?
  21. Thilhoih hihnuam ka hihleh, bangchibang in ka hihthei dia?
  22. Thilhoihlou lam ngaihtuah ka hi hia?
  23. Thilhoihlam ngaihtuah theilouu ka hihleh, hon thanemsak tu bang ahi a?
  24. Huai hon thanemsaktu apan bangchin ka vualzou thei dia?
  25. Kaltawp hun a thilhoih hihding hileng, bang ka hih masapen dia? Lawmte kituahpih ka ngai hia, aihkeh Keimah in ka hihzou diam?
  26. Ka hinkhua ka zat sung ka hi hut himahleh, zou di aka kigintak louh, zou khe leng bangchituk in ka hinkhua a sunuam dia?
  27. Thil hihtheihna, vaang (wishes) chi thum telding hileh bang ka tel dia?
  28. Huai vaang chithum te nei hileng, kei hinkhua ah kikhekna bangchin a om dia?
  29. Ka hinkhua a ka kipahna mahmah, kei a hihtheihna ka neih bang ahia?
  30. Ka lungtang in, hithei ahi achihte, ka hihvek hia?
  31. Ka hinkhua a ka kipahna mahmah, ka hunpaisa a ka bawlkhiak a omta hia?
  32. Kei a kipahna hon tun ka thilhihkhiak te, sunzomthou thei ding in ka kiman hia?
  33. Mite a ding a panpihtu hithei hileng, banglam ah ka lunglut a?
  34. Ka mailam hun a hun awl ka neih masak penpan ah, ka kipahna ding thil hihnop bang ka nei a?
  35. Ka hinkhua a ka kisik na di penpen bang ahia?
  36. Hinkhua hoihlou/vangsia ka kisakna bang ahia?
  37. Haksatna apan bangzahvei kei leh kei ka ki phongtou zouta a?
  38. Tua haksatna ka neih bangziak a zoulou kahia?
  39. Tua haksatna apan vualzohtheihna ding dan lampi ka gelta hia?
  40. Thilhoih hih in ka lungsim leh kei ah kipahna a hon tun hia?
  41. Thilhoih hih in ka lungsim sunuam ahihleh, ka lungsim nopna ding lam hinkhua ka zang hia?

Dotna ding tampi ommahleh, tua point 40 teng ah nang leh nang ki dawnna na kipiak tungtawn in na hinkhua omlaite ah na kalsuan dingdan na gelfelthei ngei ding chih ilam en hi. A hoihthil I deih leh a lampi ding leng om a, hatsakna in hon tuam ahihtak lehleng, huai apan suahtaktheihna ding lampi omngeiding ahi chih leng a hon chainsak hi.

 

Huaiziak in, haksatna hiam I tuahchiang in, eimah leh eimah ki nengniam zawsop lou in, I hinkhua zatsa te apan sinlai la in, a hoihzaw hinkhua in hon ngak ahi chih thei in huai hinkhua hoih muthei ding in thathak la chiat ni.

©thaikawitongluan.com | Siam Tonsing

Add comment


Security code
Refresh

© 2017. Thaikawitongluan.

We have 24 guests and no members online